Feste in Programma nel Paese

Cossa fóne Doménega 12 lùio?

ale 8 : se catón drìo la césa de Sarén

-fón én girét tel paese par vardar còssa???:

- la mostra dei fàori Dalla Marta;

-la stala dei Biasoi;

- altre ròbe bèle, se ón ténp;

-vón te la Valcàuca e tele Torosèle a véderle fémene lavar come na òlta, do te la ròsta;

-po’ ndón su in Pradazhìn e par le diése són lassù.

ale diése : -vardón bàter la falzh e la messóra, far dént de restèi, scoe,bagolìne, subiòt e altro;

-vardón la gara de chi che séga co la falzh e col decespugliatór,par capìr chi che èl è pi brào; uno po’ el séga . co la messóra;

-po’ slargón el fén che ón apéna segà.

ale ùndese e mèda : -el prète el fa la Messa vizhìn al capitèl e cantón e sonón.

a medodì e mèdo : -magnón,beón,se fón portar anca la polénta co le zhéste e col bigòl e l’acqua e el vin cói fiaschi de venghe;

co ón magnà metón a dormir sót la noghèra i veciot pi strachi, dopo aver slargà ‘na iachèta tél prà;

-intant quei dóveni e le fèmene i òlta el fèn;

-piantón el medìl e fón el cul de la méda có le fassìne che ón portà dó có la mussa;

-se ón ténp fón ànca ‘na carga de fóie e impienón ‘na cozhèta e le tirón dó co la mussa.

verso le zhìnque : -col fén che ancora no lé séch fón capèle, qualche marùzh e maruzhèt e po’ fón dugar e saltar i bòce;

-cól fén séch,prima fón rèle,po’ càrghe de fén,le tirón a stròzh e le portón dó vizhìn ala méda; o le portón te la . schéna e anca có la mussa;

-finión la méda, dopo averla batésta, petenàda, fat el ròzh e l’ultima petenàda;

-intant cantón, sonón, parché són contenti de aver finì de laoràr;

-se vanzhón ténp e són contenti e, se rèsta qualcossa da magnar, fón zhéna e continuón a cantar e sonar;

-se vestión tuti come ‘na òlta,almànco quei che laóra.

VARDA BEN STE NOTIZHIE.

- se el pióve fón tut sót el tendón e le casère;

-ghe dón a tuti quei che gnén a far la caminàda én bel librét de Sarén;

-par tuti quei che gnén in macchina o a piéi da le altre parti, se catón lassù, tél còl dei Ulivi in Pradazhìn ale diese del dodese luio.

 

8 agosto Glory Traikl

8 AGOSTO

Il cammino da S.Vittore alla Madonna del Grappa

1-2 agosto

Trans Cimetta-Caccia al Tesoro

7 agosto

Tribute Max Pezzali

7 agosto

Il nostro menu di Natale 2015
Solo su prenotazione....

Share by: